٢٣ شغلة ما بتعرفوها عن بيروت

بيروت عاصمة لبنان وعاصمة قلوبنا، على الرغم من كل شي صار وبعدو عم بصير بعاصمتنا ولا مرة وقف قلبنا يدق لهل بلد ولبيروت تحديداً. صح اليوم ذكرة أليمة وحزينة بتاريخ بيروت ولبنان، بس نحنا حبينا نتوقف شوي على تاريخ بيروت ونرجع بالزمن لورا ونتعرف أكتر على قصة هل مدينة الصامدة من آلاف السنين ونخبركن عن حقايق يمكن بتجهلوها عن بيروت.

١. إسم بيروت جايي من اللغة الأم الفينيقية 𐤁𐤓𐤕‎ وبيعني آبار المياه للدلالة على غنى المدينة بالمي.

٢. تعتبر بيروت من أقدم المدن بالعالم، عمرها فوق ال5000 سنة.

٣. مدينة بيروت مسكونة بشكل مستمر من أكتر من 5000 سنة.

٤. دمرت العاصمة بيروت وأعيد بناءها 7 مرات.

٥. انذكر اسم بيروت لأول مرة بالتاريخ برسائل العمارنة من المملكة المصرية الجديدة، لي كانت تعود للقرن الخامس عشر قبل المسيح.

. كانت تعتبر بيروت بفترة من الفترات مستعمرة رومانية بالغة الأهمية ومنحت إسم Colonia Julia Augusta Felix Berytus.

٧. ‏ تم بناء أول مدرسة حقوق بالعالم بوسط مدينة بيروت.

٨. كانت تعتبر المدرسة الرومانية الأولى للحقوق وكانوا المفكرين من كافة شعوب العالم يقصدوها قبل ما تغرق المدينة بالمي وتختفي المدرسة.

٩. لقب بيروت: باريس الشرق الأوسط.

١٠. تعتبر بيروت المدينة لي فيها أكتر شي تنوع ديني بالشرق الأوسط.

١١. في "منسوب مائي" تحت الأرض ببيروت بقولوا إنو المدينة أخدت إسمها منو.

١٢. قطع على المدينة عدة حضارات من الفينيقيي واليونانيي والرومان والبيزنطيي والصليبيي والعرب والعثمانيي وصولاً للفرنسيين.

١٣. تعتبر الجامعة الأمريكية ببيروت أقدم جامعة بلبنان، تأسست عام 1866 ببيروت.

١٤. أسواق بيروت عتيقة وعمرها فوق ال5000 سنة، وبتلاقوا فيها أهم العلامات التجارية بالعالم.

١٥. ساحة الشهداء أخذت إسمها لإحياء ذكرى الشهدا لي أعدموا فيها بظل الحكم العثماني.

١٦. بلغت قيمة الخسائر الناجمة عن انفجار بيروت 15 مليار دولار.

١٧. تضررت مستشفى الروم أحد أكبر المستشفيات بلبنان بأضرار بالغة جراء انفجار ٤ آب، مما اضطر طاقم العمل لعلاج المرضى على الطرقات بدون بنج أو مواد طبية أولية.

١٨. تعتبر بيروت تالت أكبر عاصمة واقعة بالدين من بعد توكيو باليابان وأتينا باليونان.

١٩. مات حوالي 60 ألف شخص ببيروت خلال أول سنتين من الحرب اللبنانية.

٢٠. أكبر ثورة حصلت ببيروت انعرفت باسم "ثورة الأرز" عام 2005.

٢١. بتفتقر بيروت للمساحات الخضرا مع وجود بس حديقتين عامة بكل المنطقة. 

٢٢. يعتبر شارع بدارو، لي بيحمل الطراز البوهيمي أكتر الأحياء جاذبية ببيروت.

٢٣. على الرغم من كل الفوضى والألم والحروب لي عايشتها بيروت بتبقى من أجمل مدن العالم ولي بزورها بشهادة من السواح والمشاهير العالميي ما في ما ينغرم فيها.

المصدر: ار بيروت دوت كوم