غابريال بحاجة لمساعدتكم … “من كم سنة خسرت اختي الكبيرة بنفس المرض”
كتبت الشابة غبريال عماد: تخيّل حالك من اول ما وعيت عالحياة مفكر انك انسان عادي ، لحد ما تصير تحس بأعراض غيرك ما بحس فيها ! نفسك بضيق مع الوقت ، و الاعضاء جواتك بتصير تتلف شوي شوي و بتبلش بالبنكرياس و الجهاز الهضمي ، لحد ما توصل تحتاج زرع رئتين … و فجأة تتشخص بمرض وراثي نادر اسمه cystic fibrosis … بيعطوك اسم لحالتك بس ولا حدا بيعطيك علاج ، و بتصير تحس انك مش بس مخنوق بسبب ضيق للتنفس ، بس مخنوق انك مش عارف لأيمتى رح تضل توعى الصبح و تشوف اللي بتحبن ، مخنوق مين تخبر و عن مين تخبي … كتار من اللي بحبن ما بيعرفو عن حالتي ولا بيعرفو جواتي شو في، بس هلأ صار الوقت احكي عنه. انا غبريال عماد ، ولدت بلبنان ، و عشت هالحالة بتفاصيلها … اليوم عمري ٢٤ و من كم سنة خسرت اختي الكبيرة بسبب نفس المرض . اليوم في دوا هو الدوا المعجزة لحالتي، لأنه قادر يرجعلي حياتي الطبيعية و يوقف تطور المرض و يشتغل الشغل اللي ما بتقدر جيناتي تشتغله. اسم الدوا trixacar ، و الدوا صنع شركة Gador مشكلته الوحيدة انه موجود برا لبنان و سعره مع سعر الادوية التانية اللي لازم اخدها كل يوم بحدود ال8000$ شهرياً . قدري عطاني ...
